Amăng jơlan hơdră, Thượng tướng Võ Minh Lương, Kơ-iăng Khua Ding jum Khul ling tơhan dêh čar ta hmâo pơ ala laih kơ hơdôm puih kơđông mơ̆ng Ding jum ƀơk rơbêh 15.000 anung gơnam hmâo nua rơbêh kơ 10 klai prăk kơ hơdôm bôh sang anô̆ mơnuih apăn bruă tơhan, ling tơhan, mơnuih mă bruă hmâo tơlơi hơdip tơnap amăng Binh đoàn 15 hăng mơnuih ƀôn sang, tha plơi, khua ƀôn, mơnuih hmâo arăng đăo gơnang amăng djuai ania ƀiă ƀơi guai dêh čar mơ̆ng dua bôh tơring čar Gia Lai, Kon Tum.

Hrŏm hăng anun, jơlan hơdră dô̆ hmâo bruă pơplông anung ƀan čưng mơtah, bơkơtuai bôh thâo, adôh suang, pơdă hăng brơi gơnam kiăng yua hloh kơ mơnuih ƀôn sang ƀơi anai. “Tết tum jơngum – Bơyan bơnga gum djru” jing jơlan hơdră dưi hmâo Grŭp mut phun Khul ling tơhan dêh čar ta hăng Bình đoàn 15 pơphun rim thun, kiăng hruă kơjăp pran jua gum hrŏm hơbit, “djru nao rai tơdruă” hăng djru hrŏm gong gai hơdôm bôh tơring glông, plơi prong rôk tui kual guai dêh čar Kơdư Dap Kơdư bơwih brơi, djru Mơnuih ƀôn sang čơkă Tết tum djop, pơđao pran jua./.