Ră anai EVNGENCO1 hlăk wai lăng hăng mă yua lu sang măi apui lơtrik pơdar hăng drai ia pơprong ƀơi Lâm Đồng, kah hăng Đại Ninh, Đồng Nai 3, Đồng Nai 4, Dă Ñim, Hàm Thuận-Dă Mi hăng sang măi apui lơtrik pil pơ-iă yang hrơi ƀơi jơlah ia dơnao Dă Mi, jua kơtang truh 1.615 MW.

Kiăng tŏ tui bruă pơđĭ kyar man pơdong sang măi apui lơtrik prong hloh, pơkĕ apui lơtrik hơdjă, EVNGENCO1 rơkâo tuh pơ alin 3 kơčăo bruă dưm pil pơ-iă pơ-iă yang hrơi dơ̆ng ƀơi Lâm Đồng kah hăng: kơčăo bruă sang măi apui lơtrik pil pơ-iă yang hrơi ƀơi jơlah ia dơnao Đại Ninh jua kơtang 96 MW, rơnoh prăk tuh pơ alin 1.600 klai prăk; kơčăo bruă sang măi apui lơtrik pil pơ-iă yang hrơi ƀơi jơlah ia dơnao Hàm Thuận črăn 1 năng ai 100 MW, rơnoh prăk tuh pơ alin 1.650 klai prăk hăng kơčăo bruă sang măi pil pơ-iă yang hrơi ƀơi jơlah ia dơnao Dă Mi črăn 2 jua kơtang 70 MW, rơnoh prăk tuh pơ alin him lăng 1.150 klai prăk. Hơdôm kơčăo bruă anai hlăk kơsem min brơi ba yua đơ đam jơlah ia dơnao sang măi drai apui lơtrik hlâo kơ anun, djơ̆ găl hăng anŏ či pơđĭ kyar bruă pơkra rai apui lơtrik rơgoh hơdjă yua kơnuk kơna dêh čar pơtrun laih anun anăp pơblih bruă pơkra ming apui lơtrik mơtah mơda pơgang ayuh hyiăng.