Ƀơi mông jơnum, Khua dêh čar rơkâo thun blan pơ anăp, Ding jum wai lăng bruă tuh tia pơkra ming hăng sĭ mơdrô ngă giong hră pơar čih dăp, lăi pơthâo lui hĭ hăng bơnah ngă hrŏm tuh pơ alin man pơdong sang măi apui lơtrik ayuh Ninh Thuận 2 hăng pô hlâo kơ anun laih anun ĕp bơnah bơkơtuai dơ̆ng bruă ngă hrŏm kiăng kah pơpha boh tŭ yua bơkơnar, tơlơi ƀu tơphă ăt pơdjru hrŏm tui hăng tơlơi pơkôl hăng jar kmar.

Hrŏm hăng anun, prăp lui ngă hrŏm djop ding jum, anom bruă tui hluai tơlơi dưi hơmâo jao, pơčrong sai tŭ ư hĭ, kiăng bơkơtuai hăng bơnah ngă hrŏm pô tuh pơ alin man pơdong sang măi apui lơtrik ayuh Ninh Thuận1, kiăng hmao lăi pơthâo kơ sang bruă pô hơmâo tơlơi dưi djru pơsir hĭ hơdôm tơlơi hlăk hơmâo ngă gun. Khua dêh čar jao kơ Ding jum prăk kăk ngă hrŏm Jơnum min mơnuih ƀôn sang tơring čar Khánh Hòa jŭ yap glăi, lăi pơthâo pơhrua nao rơnoh prăk mơ̆ng gơnong dlông djru pioh pok pơhai kơčăo bruă man pơdong plơi phrâo, jao glăi anih čuk pơdăo man pơdong sang măi apui lơtrik ayuh Ninh Thuận. Laih dơ̆ng tañ ngă hrŏm djop ding jum, anom bruă, prăp lui bơkơtuai hăng bơnah ngă hrŏm, lăi pơthâo tơlơi pơhing kơčăo bruă man pơdong sang măi apui lơtrik ayuh Ninh Thuận 1, Ninh Thuận 2, kiăng kơ hră pơkôl pơkă tuh pơ alin man pơdong sang măi anun dưi pơsit hĭ amăng blan 3 pơ anăp.