Tơdơi kơ mông lăi pơthâo hăng pơgôp hiăp amăng mông mă bruă, Khua git gai Ping gah, Khua mir sir ơi Tô Lâm lăi pơtong, bruă pơgiong tơhnal pơkă, tơlơi phiăn hăng pơplih pơkra phiah phiăn hơmâo pơlir nao rai, pơlir kjăp phik, kiăng hơmâo khul git gai pơhlôm brơi hơdôm bruă čih pơkra tơlơi phiăn, pơphun ngă tui tơlơi phiăn hăng pơplih pơkra phiah phiăn lĕ sa bruă pơlir mut hrŏm, ha amăng plĕ, tơkuh nao rai, tŭ yua. Khua git gai Ping gah, Khua mir sir lăi rơđah, bruă ruah dưm dăp ƀu djơ̆ kơnong lĕ bruă dưm dăp đôč ôh mơ̆ ăt sit anai lĕ pơphun glăi bruă git gai mơng gơnong glông hăng bruă jao pơjing, pơgiong kơnuk kơna phiah phiăn xã hội chủ nghĩa Việt Nam.

Khua git gai Ping gah, Khua mir sir rơkâo, kiăng pơsit tong bruă mă, tơlơi glăm ba mơng Khul wai lăng gơnong glông hăng Ding jum phiah phiăn; laih dong kiăng pơkă tong ten, djơ̆ bruă jao, djơ̆ tơlơi glăm ba mơng rĭm anom bruă hăng djơ̆ tơhnal pơkă gum hrŏm; tŏ tui pơgiong dưm dăp bruă mă amăng Khul git gai. Khua git gai Ping gah, Khua mir sir ơi Tô Lâm jao Ping gah Ding jum phiah phiăn git gai, gum hrŏm hăng Ding jum wai lăng gơnong glông tŏ tui tŭ mă djop tơlơi pơgôp hiăp amăng mông jơnum, pơgiong hră pơ-ar, hră lăi pơthâo Ding jum kơđi čar.