Sa boh phương ƀơi Dak Lak pơsur “Bruă plơi prong, bruă plơi pla, lŏn yôm ăt pơyơr”
Thứ năm, 10:06, 07/05/2026
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV.Jarai-Lơ 6/5, phương Ea Kao, tơring čar Dak Lak pơphun bruă pơsur “Bruă plơi prong, bruă plơi pla, lŏn nua yôm ăt pơyơr” hăng bruă “Pơkrem tơmut mơnek mah”, kiăng kơ ba glăi tơlơi mut hrŏm amăng mơnuih ƀôn sang, pơsir hĭ hơdôm tơlơi gun amăng pơhrui glăi lŏn mơnai, iâu pơgôp ngăn rơnoh pơđĭ kyar anih anom.
Bruă pơsur anai kiăng pơtrut pran glăm ba, tŏ tui pran kơtang gum pơgôp amăng mơnuih ƀôn sang, ngă gơgrong prap lui lŏn mơnai kiăng čơkă man pơkra ring bruă. Hrŏm hăng anun, bruă pơphun “Pơkrem tơmut mơnek mah” anăp nao pơjing ngăn rơnoh bơwih brơi mơnuih Ping gah tơnap tap, hơkrŭ pran amăng khul grup Ping gah.
Mơng hrơi pơphun, lu sang anŏ, khul grup hơmâo čih anăn pơyơr lŏn, pơgôp prăk kak pơkra jơlan glông. Sa, dua khul đăo amăng ƀon lan ăt mut hrŏm, ngă lar hyu kơtang. Bruă pơsur pơyơr lŏn ƀu djơ̆ kơnong pơtrut tañ hơdôm akŏ bruă đôč ôh mơ̆ ăt ngă pơkrem ngăn drăp, ngă atur pơđĭ kyar plơi pla hăng tơlơi bơwih ƀong huă ƀơi ƀon lan.
Viết bình luận