Glông gơnam sĭ mơdrô boh makka anai ba sĭ mơdrô tui jơlan phun ba nao pơ dêh čar Hàn Quốc hơmâo rơnoh pơkă abih bang 10 tơn, dưi pla ƀơi tơring čar Dak Lak. Gơnam anai hơmâo ĕp lăng tong ten lu črăn, yua anom bruă hơmâo tơlơi thâo kơnuk kơna pơkă hnong rơgoh mơnong mơnuă, anŏ hơdjă mơnong ƀong huă, hơdră dưm amăng hruh, kơdŭng hăng čih pơthâo rơđah anih pla, pơkra ming hlâo kơ ba sĭ. Gơnam sĭ mơdrô anai, amra ba dưm amăng sang sĭ mơdrô pơprong siêu thị lơ̆m dêh čar Hàn Quốc.

Pơhiăp amăng mông jơnum ngă lơphet, ơi Huỳnh Ngọc Dương, Kơ-iăng Khua Gơnong bruă wai lăng tuh tia pơkra ming gơnam tơring čar Dak Lak brơi thâo: bruă boh makka anai dưi ba nao sĭ pơ dêh čar Hàn Quốc lĕ, tơdơi kơ hơmâo ba nao pơ dêh čar Japan sa wơ̆t dơ̆ng pok brơi tơlơi gêh găl kơ asar boh makka mơ̆ng tơring čar Dak Lak ba nao pơ hơdôm dêh čar kual ASIA hăng rŏng lŏn tơnah.