Tui hăng anom bruă mă jia tơring čar Dak Nông, 9 blan rơgao, rơnoh pơhrui glăi prăk jia hơmâo truh 1962 klai, dưm dưm hăng 66,4% rơnoh dêh čar jao hăng đĭ tui 75,8% pơkă hăng thun hlâo. Rơnoh pơhrui jia hrŏ kơtang yua bơbeč djơ̆ mơ̆ng lu mơta. Amăng anun, tơring čar hlăk pok pơhai ngă tui lu jơlan hơdră, pơhlưh jia, pơtrun rơnoh mă jia kơ lu sang bruă sĭ mơdrô kiăng rŭ glăi bơwih ƀong huă. Kơnong pơhrŏ  50% rơnoh jia pơgang ayuh hyiăng anih dŏ jum dar, rơngiă truh 100 klai prăk amăng 9 blan. Hrŏm hăng anun, jơlan hơdră pơhrŏ 30% rơnoh prăk jia thun 2022, lu gơnam hrŏ hĭ prăk jia truh 120 klai prăk.

Biă mă ñu, bruă sĭ mơdrô lŏn sang, gơnam ha dơnong trun nua, bơbeč prong biă mă bruă pơhrui jia amăng tơring čar. Rơđah biă ñu, amăng 9 blan rơgao, rơnoh prăk jia yua lŏn hơmâo 246 klai, dưm dưm hăng 28% rơnoh prăk jŭ yap hlâo, dưm dưm hăng 41% pơkă hăng thun hlâo. Anom bruă mă jia tơring čar Dak Nông hlăk gir run pok pơhai lu hơdră kiăng pơhrua nao anŏ kơƀah rơnoh mă jia, kiăng truh abih thun 2023 ăt djop rơnoh prăk jia tui rơnoh pơkă.