Mơguah lơ 1/4, pơphun Jơnum lăi pơthâo hơdôm tơlơi pơsit mơ̆ng Ding jum kơđi čar kơ tơlơi gơgrong, bruă kiăng ngă, dưm dăp anih mă bruă, tơlơi pơsit jao bruă, ruah khua mơ̆ng Gong phun pôr pơhing pơdah rup Việt Nam, Gong phun pơtui jua pơhiăp Việt Nam, Anom bruă pôr pơhing Việt Nam, Sang bruă kơsem min boh thâo ia rơgơi mơnuih mơnam Việt Nam, Sang bruă kơsem min boh thâo măi mok Việt Nam jing anom bruă mơ̆ng Kơnuk kơna wai lăng jing anom bruă yua Khul khua apăn bruă phun git gai Ping gah hăng hơdôm hră pơ-ar pơsit bơdjơ̆ nao. Mông jơnum kiăng ngă rơđah, sit nik Tơlơi pơtrun mrô 03 lơ 25/3/2026 mơ̆ng Khul khua apăn bruă git gai Ping gah tal XIV.

Ƀơi mông jơnum, pơ ala kơ Khul pơphun bruă Ping gah lăi pơthâo tơlơi pơsit mơ̆ng Ding jum kơđi čar, amăng anun jao bruă, ruah ơi Đỗ Tiến Sỹ, Ding kơna Ping gah ngă Khua Gong phun jua pơhiăp Việt Nam, ngă rah Kơ-iăng khua pơtô bruă ping gah hăng iâu pơthưr mơnuih ƀôn sang dêh čar, mut ngă bruă amăng Khul khua apăn bruă git gai Ping gah, Khul khua apăn bruă phun Ping gah djŏp anom bruă Ping gah gơnong dlông, rơwang thun 2025-2030.

Pơhiăp git gai mông jơnum, ding kơna khul git gai Ping gah ơi Trần Cẩm Tú kiăng hơdôm anom bruă pôr pơhing pơtrut tui tơlơi gơgrong bruă gah tơlơi pơmin, pơđĭ tui anŏ klă amăng bruă pôr pơthâo kiăng mơnuih ƀôn sang thâo hluh djơ̆, pơkơdong glăi tơlơi pơmin soh glăi hăng pran jua kjăp phik, rơgơi. Pơhiăp ƀơi mông jơnum, Khua dêh čar ơi Phạm Minh Chính lăi kiăng gum pơgôp kjăp, pơtrut tui bruă hơmâo ngă, ngă klă bruă hơmâo jao. Bruă dăp glăi anom bruă tal anai jing yom biă mă, djru pơđĭ tui tơlơi git gai, tŭ yua amăng bruă mă mơ̆ng djŏp anom bruă pôr pơhing, kơsem min boh thâo yom.