Pơphun truh lơ 25/1, mông Jơnum anai hơmâo anăn “Yŭ hla gru čar hing ang mơ̆ng Ping gah, ha pran jua ngă truh kih djŏp tơlơi pơtrun đĭ kyar lŏn ia truh pơ thun 2030; ngă mă pô, kjăp pran jua, yak đĭ kơtang amăng rơnuk hrưn đĭ mơ̆ng pô mơ̆ng djuai ania ta, yua kơ tơlơi rơngai, ngă pô, pơdrong sah, hyôk hyak, yâo mơak, kjăp tơkai yak đĭ chủ nghĩa xã hội”.

Jơnum ruah khua ping gah đơ đam dêh čar tal 14 amra pơčrông sai, pơsit brơi hơdôm tơlơi pơtrun yơyom: Hră lăi pơthâo Kơđi čar mơ̆ng Khul khua apăn bruă git gai Ping gah dêh čar tal 13; Lăi pơthâo pơƀut glăi hơdôm tơlơi gêh găl, tơlơi pơtô lăp djơ̆ hăng bruă ngă sit nik kơ pơplih phrâo lŏn ia tui jơlan xã hội chủ nghĩa amăng 40 thun rơgao ƀơi Việt Nam; Hră lăi pơthâo pơƀut glăi 15 thun ngă tui Tơlơi pơkă ngă bruă mơ̆ng Ping gah hăng rơkâo đĭ, pơhrua tui, čih pơkra glăi Tơlơi pơkă ping gah; Hră lăng glăi hơdôm bruă dưi ngă hăng aka ƀu dưi ngă amăng git gai črâo bruă mơ̆ng Khul khua apăn bruă phun git gai Ping gah dêh čar tal 13.

Hră pơ-ar yom Jơnum ruah khua ping gah dêh čar tal 14 hơmâo tơlơi mut hrŏm lăp djơ̆ plah wah Ping gah hăng pran jua Mơnuih ƀôn sang, lơ̆m hơmâo rơbêh 14 klăk tơlơi pơgôp hiăp mơ̆ng ƀing khua, mơnuih ping gah, mơnuih thâo hră, mơnuih kơhnâo mơbruă hăng abih bang mơnuih ƀôn sang amăng čar ta hăng čar rơngiao. Jơnum ruah khua ping gah đơ đam dêh čar tal 14 jing gru kơđŏm pran đăo kơnang, tơlơi čang rơmang, anŏ kơtang mơ̆ng djuai ania ta hăng tơlơi mut hrŏm ha pran jua mơ̆ng mơnuih ƀôn sang, ba lŏn ia ta kjăp pran mut amăng rơnuk pơplih phrâo: rơngai, mơai pô, pơdrong sah, yâo mơak, thâo rơgơi./.