Anai lĕ tal pơdă rup, gơnam yua gah ling tơhan jar kmar blung a yua kơ Ding jum ling tơhan Việt Nam pơphun, mông gêh găl pioh kơ ƀing ngă bruă pơkra ming anăng dêh čar hăng rŏng lŏn tơnah lăi pơthâo gơnam yua, phao kơtuang, boh thâo ia rơgơi phrâo hloh gah ling tơhan. Anih pơdă rup rơhaih rơbêh 50 rơbâo met karê, hơmâo anih pơdă amăng lăm sang hăng gah rơngiao.

Truh ră anai, 170 boh anom bruă, sang bruă sĭ mơdrô amăng dêh čar hăng dêh čar tač rơngiao rai mơ̆ng 30 boh lŏn ia amăng kual ASEAN, kual ASIA, kual Mi kŏ, kual lŏn ia Mi hơmâo gơnam ba pơdă prưng ĕp lăng, kah hăng phao kơtuang, rơdêh blah ngă, hơdră mă yua boh thâo ia rơgơi tơlơi pơhing, boh pơtuh phrâo pioh brơi kơ tơhan blah ngă ƀơi lŏn, tơhan ia rơsĭ, tơhan pơnah rơdêh por hăng tơhan mơgăt rơdêh por. Tal pơdă anai kiăng kơtưn, pok prong tơlơi ngă gơyut gơyâo hăng jar kmar, pơtom hiăp gah ling tơhan, pơjing pran jua đăo kơnang tong ten kơplah wah Việt Nam hăng hơdôm dêh čar amăng rŏng lŏn tơnah.