Đĭ pơhiăp amăng mông jơnum, Khua git gai pơ ala mơnuih ƀôn sang dêh čar ơi Trần Thanh Mẫn, Khua khul pơphun plĕ hră ruah khua mua pơsit tong tal plĕ hră pơphun truh kih hiam klă, jing hrơi pơtum pơƀut ngă bruă kơđi čar amăng abih bang, hrơi jơnum ngui prong kơ mơnuih ƀôn sang, hơmâo lu mơnuih amăng lŏn ia hăng gah rơngiao tŭ yap, lăng yôm biă mă. Tui jŭ yap, mơnuih ƀôn sang đơ đam dêh čar hơmâo ruah djop 500 čô Khua pơ ala mơnuih ƀôn sang dêh čar, 2.552 čô khua mua pơ ala mơnuih ƀôn sang gưl tơring čar hăng 72.438 čô khua pơ ala mơnuih ƀôn sang gưl să.

Mrô jŭ yap anai brơi ƀuh bruă prap lui mơnuih tơbiă anăn ruah ngă khua hơmâo pơhlôm kjăp, ngă pô, djơ̆ hăng tơlơi pơkă amăng tơlơi phiăn. Anai ăt lĕ tơlơi kơđŏm glăi yôm phăn amăng bruă pơgiong Kơnuk kơna phiah phăn tui jơlan xã hội chủ nghĩa mơng mơnuih ƀôn sang, yua mơnuih ƀôn sang hăng kơ mơnuih ƀôn sang, laih dong pơtrut pơplih phrâo anih anôm, git gai gong gai ƀon lan dua gưl hăng pơtrut pơplih mrô, mă yua boh thâo phrâo amăng wai lăng mơnuih mơnam.