Jơnum anai pioh lu mông pơčrong sai, pơblang tong ten, pơtong lăng djop tơlơi phiăn, jơlan hơdră pơtrut pơđĭ kyar bơwih ƀong huă mơnuih mơnam kual Dap Kơdư laih anun rơkâo lăi pơthâo hơdôm bruă mă, tơlơi phiăn pơkă phara hơjăn kơ kual. Pơhiăp git gai jơnum, Kơ-iăng Khua dêh čar ơi Trần Lưu Quang, Khua git gai Khul pơpha bruă amăng kual Dap Kơdư lăi lĕ, tal jơnum anai yôm biă mă, sem lăng pơphun bruă mă phrâo, čih pơkra dăp hơdră, bruă či ngă dưi lăng kah hăng phrâo pơphun blung a kiăng mă bruă ba glăi boh tŭ yua, ngă tui rơnang đôč samơ̆ kjăp.

Amăng anun, biă mă ñu đing nao tañ akŏ pơjing brơi bruă mă čih pơkra tơlơi phiăn ngă tui phara hơjăn pioh ngă tui djru pơsir tơlơi tơnap tap, pơjing pran kơtang mă bruă pơtrut kual Dap Kơdư pơđĭ kyar.