Ngă tui tơlơi pơtrun mrô 57 hăng mrô 79 mơng Ding jum kơđi čar, amăng hrơi blan rơgao, Ding jum ngă hmua hăng ayuh hyiăng gum hrŏm hăng Ding jum kông ang, djop ding jum, gơnong bruă, ƀon lan gir run pok pơhai, pơgiong anih djă pioh hră pơ-ar dêh čar kơ lŏn mơnai, sit biă ñu lĕ bruă ngă djơ̆, ngă agaih anih djă pioh hră pơ-ar dêh čar kơ lŏn mơnai thun 2025. 34 boh tơring čar, ƀôn prong hơmâo ngă ha amăng plĕ anih djă pioh hră pơ-ar lŏn mơnai hăng giăm 62,4 blah lŏn. Ding jum ngă hmua hăng ayuh hyiăng glăk gum hrŏm hăng Ding jum kông ang kiăng pơmut hrŏm anih djă pioh hră pơ-ar dêh čar kơ lŏn mơnai amăng anih djă pioh dêh čar.

Samơ̆ bruă akă lŏn, pơjing lơkak lŏn mơnai, ngă hră pơ-ar, pơjing, pơgiong anih djă pioh hră pơ-ar dêh čar kơ lŏn mơnai dŏ kaih, aka lăp djơ̆ tơlơi rơkâo amăng rơnuk phrâo. Tơlơi pơsit anai lĕ bruă tơnap yua hră pơ-ar lŏn mơnai tŏ tui pơplih, kơ-iăng khua dêh čar ơi Hồ Quốc Dũng rơkâo djop ding jum, gơnong bruă, ƀon lan kiăng ngă khut khăt hăng pran jua 6 tong ten, pơjing bruă mă rơđah rơđông, truh rơnuč thun kiăng pơgiong anih djă pioh hră pơ-ar dêh čar kơ lŏn mơnai.