Ayuh hyiăng pơplih sat amra hơmâo lu lu hơjan kơthel. Anai lĕ tơlơi lăi pơthâo amăng Jơnum đơ đam dêh čar amăng bruă pơgang ayuh hyiăng pơplih sat hăng djru ană mơnuih thun 2024 yua kơ-iăng Khua dêh čar ơi Trần Lưu Quang git gai amăng mơguah lơ 10/5. Tui jŭ yap mơng anom bruă wai lăng rơhuông adai, Ding jum wai lăng ayuh hyiăng rơhuông adai brơi ƀuh pơ-iă amăng 4 blan akŏ thun anai ƀơi hơdôm kual amăng đơ đam dêh čar lêng kơtang pơhmu hăng rĭm thun mơng 0,5 truh 1,5 độ C.

Ƀơi kual Dap kơdư hăng Dơnung ƀuh pơ-iă kơtang amăng sui hrơi. Ia rơsĭ ram hyu amăng kual Dơnung ƀuh tañ ƀiă hăng kơtang pơhmu hăng rĭm thun. Tui ơi Hoàng Đức Cường, Kơ-iăng Khua anom bruă wai lăng rơhuông adai, ayuh hyiăng pơplih sat amra bơdjơ̆ nao lu mơta, thun anai ayuh hyiăng pơplih sat hơmâo pơ-iă hang kơtang, ia rơsĭ ram hyu, kruaih yâo, hơjan pler. El Nino ngă pơ-iă hang glăk tơdŭ trun amra ƀuh La Nina hăng hơjan kơthel, ia ling dăo amăng rơnuč thun anai.