Anai lĕ mrô lu hloh dong mơng hlâo anun truh ră anai hăng anai lĕ thun truh kih mơng bruă sĭ mơdrô braih pơ tač rơngiao ƀơi dêh čar ta. Lơm anun, tui him lăng thun 2024 brơi ƀuh, bruă sĭ mơdrô braih ăt tŏ tui gêh gal lơm sa, dua boh dêh čar kơtưn blơi mut kiăng pơhlôm hơđong mơnong ƀong huă. Boh truh tơlơi anai lĕ yua braih apiăng amăng rŏng lŏn tơnah glăk kơƀah tui, bơ Việt Nam glăk dong ƀơi anăp kơ bruă ba sĭ mơdrô braih lu hloh.

Tui hơduah ĕp kơ tơlơi kiăng mơng hơdôm boh dêh čar amăng rŏng lŏn tơnah glăk lu biă mă, amăng anun hơmâo hơdôm boh dêh čar juăt ba nao sĭ anun lĕ Philippines, Indonesia hăng Khač. Tui Ding jum ngă hmua hăng pơđĭ kyar ƀon lan amăng bơyan puih phang thun 2023-2024 kual lŏn dăo ia krông Cửu Long amra hrŏ trun giăm 1,5 klăk ektar hăng yuă hơpuă him lăng 10 klăk tơ̆n, anai lĕ hơdôm pơjeh pơdai ƀâo hiam pioh mă yua amăng lŏn ia hăng sĭ pơ tač rơngiao.