Ƀơi mông mă bruă, Thượng tướng Đỗ Xuân Tụng kiăng pơ anăp, Tơhan pơgang guai Dak Lăk kiăng pơđing hmư̆, thâo kjăp djŏp tơhnai, pok pơhai abih bang dưm kơnar bruă pơgang lŏn ia; kjăp bruă pơkơdong glăi ƀing ngă soh ƀơi guai; ngă hrŏm kjăp hăng ling tơhan bơdjơ̆ nao hăng tơhan pơgang guai dêh čar Kur amăng bruă wai lăng, pơgang guai lŏn ia.

Thượng tướng Đỗ Xuân Tụng ăt pơtă mơn, anom bruă kiăng pơhlom rơnuk rơnua amăng hơdôm hrơi mông yom, biă ñu amăng hrơi Jơnum ruah khua pơ ala mơnuih ƀôn sang dêh čar tal 16 hăng Khua pơ ala mơnuih ƀôn sang djŏp gưl rơwang thun 2026-2031; pok pơhai tŭ yua jơlan hơdră, hơbô̆ bruă djru mơnuih ƀôn sang đĭ kyar bơwih ƀong - mơnuih mơnam; ngă klă bruă prăp rơmet blah ngă, brơi ling tơhan hăng mơnuih ƀôn sang čơkă Tê̆t rơnuk rơnua, yâo mơak, pơkrem prăk kăk, thâo gum pơgôp, khăp ƀu-eng nao rai./.