Tơhan kual 5 djru man pơdong sang hră kơnuk kơna čem rông ba pơlir dua gưl ƀơi kual giăm guai
Thứ năm, 11:02, 21/05/2026
VOV/Siu Đoan Pơblang
VOV/Siu Đoan Pơblang
VOV.Jarai-Ƀơi anom bruă git gai tơhan kual 5, Trung tướng Lê Ngọc Hải, Khua tơhan kual 5 git gai jơnum hmư̆ hơdôm anom bruă lăi pơthâo boh than hơduah ĕp tơlơi rơkâo kiăng djru brơi hăng bruă pok pơhai man pơdong sang hră kơnuk kơna čem rông ba pơlir gưl I hăng gưl II ƀơi hơdôm boh să giăm guai amăng kual Tong krah-Dap kơdư.
Ră anai, amăng anih pơdong tơhan kual 5 glăk pok pơhai man pơdong 22 boh sang hră kơnuk kơna čem rông ba dua gưl. Hơdôm ring bruă hơmâo tuh pơ alin prong bơkơnar hrŏm, pơplih phrâo hơmâo lu anih anun lĕ: anih git gai wai lăng, anih pơđok hră, anih hrăm čơđai gưl I hăng gưl II, anih hrăm tui tơlơi hrăm phara, anih hrăm hrŏm, dơnao mơnơi, sang apui, sang ƀong huă, anih dŏ hăng hơdôm anih ngui bơrơguăt drơi jăn.
Kiăng pơhlôm brơi hơdôm boh sang hră hmao ĕp pơmut čơđai hrăm thun hrăm 2026-2027, hơdôm boh ƀon lan rơkâo tơhan kual 5 djru brơi ling tơhan, măi mok gum hrŏm pơtrut tañ bruă man pơdong, pơgôp tañ mă yua, lăp djơ̆ tơlơi rơkâo pơtô hrăm brơi ƀing čơđai kual giăm guai, kual tơnap tap hloh.
Viết bình luận