Pô arăng mă pơkong lĕ Nguyễn Hữu Ngọc 45 thun, dŏ pơ plơi Đức Đoài, să Đức Minh, tơring glông Dak Mil, tơring čar Dak Nông. Hlâo kơ anun, ngă tui hơdră hyu tir pơhlôm, pơgăn ƀing soh sat, Puih kơđông tơhan  pơgang guai dêh čar Dak Lao ngă hrom tơhan pơgang guai dêh čar ƀơi tơring čar Dak Nông hyu tir, ĕp amăng jơlan guai dêh čar mrô gong 48/25, amăng plơi Đức Kim, să Dak Lao, tơring glông Dak Mil.

Pơ anai, tơhan pơgang guai dêh čar hơmâo mă Ngọc hlăk mơgăt rơdêh kai pơgiăng kơthung kat tông amăng lăm đing gơnam  arăng kơ̆m. Giong ĕp lăng amăng kơthung ƀuh 400 kg mlăi apui bơnga pơdop amăng 14 kơthung kat tông. Ngọc pơhaih ñu blơi mlăi anai mơ̆ng sa čô mơnuih ƀu thâo anăn ôh hăng anih dŏ ƀu thâo lơi, ñu pơgiăng glăi kiăng sĭ mơdrô amăng bơyan têt pơ anăp. Tơlơi anai, tơhan pơgang guai dêh čar tơring čar Dak Nông ngă hră pơar tơgŭ kơđi, jao mơnuih hăng gơnam ngă soh kơ kông an tơring glông Dak Mil, tơring čar Dak Nông ĕp lăng sem kơđi laih anun pơsir tui tơlơi phiăn pơkă bruă mă jao.