Mơguah lơ 27/1, Anom bruă khua git gai tơhan pơgang guai tơring čar Gia Lai ngă hrŏm hăng Jơnum min mơnuih ƀôn sang să Ia Puch, pơphun ngui “Bơyan bơnga pơ guai - Pơđao pran jua ană plơi” thun 2026 hăng lu bruă sit nik anăp nao Mơnuih ƀôn sang pơ guai dêh čar. Jơlan hơdră hơmâo adoh suang, brơi gơnam kơ sang anŏ rin, sang anŏ kơnuk kơna djru, sang anŏ tơnap; khăm, brơi ia jrao. Hơdôm anom bruă, ƀing čơmah juăt djru mơnuih tơnap hơmâo brơi rơbêh 800 anung gơnam, nua ñu rơbêh 600 klăk.

Rơngiao kơ anun, hơmâo bruă gah rơngiao dong kah hăng Anih sĭ gơnam 0 prăk, Anih sĭ añăm pơtăm Guai dêh čar, “Pô rơgơi čơkăp ƀuk Tơhan pơgang guai”, ngui tui gru đưm hăng pơplông anung ƀañ čưng, ngă brơi hrơi ngui ngor jing mơak hloh, kjăp hloh tơlơi khăp ƀu-eng tơhan hăng mơnuih ƀôn sang. Anai jing bruă mă rim thun, djru ngă tŭ yua bruă djru lăng ba tơlơi hơdip mơnuih ƀôn sang, djru mơnuih ƀôn sang pơ guai čơkă Tê̆t mơak hloh, trơi pơđao hloh.