Tơhan sơlup kual 2 pơphun bruă pla kyâo hơdor na nao kơ Wa Hồ akŏ thun Giáp Thìn 2024
Thứ năm, 10:19, 15/02/2024
VOV Tây Nguyên/Siu H'Prăk-Nay Jek pơblang hăng pôr
VOV Tây Nguyên/Siu H'Prăk-Nay Jek pơblang hăng pôr
VOV4.Jarai-Lơ 14/2, ƀơi plơi prong Vũng Tàu, tơring čar Bà Rịa Vũng Tàu, Khua tơhan sơlup kual 2 tơhan ia rơsĭ hrŏm hăng djop sang bruă kơnuk kơna, khul ling tơhan dŏ mă bruă ƀơi Long Sơn pơphun jơnum, bơyan phang Tết pla kyâo hơdor na nao kơ Wa Hồ, kiăng čơkă mơak, anăp nao hơdor glăi thun Khua mir sir Hồ Chí Minh pơphun bruă sit truh têt pla kyâo kiăng hơmâo tơ-ui mơtah mơda thun 1959-2024, laih anun hluai tui hơdră kơnuk kơna pơtrun pla 1 klai phun kyâo yua kơ sa boh lŏn ia Việt Nam mơtah mơda, Khua dêh čar pô pơtrun ngă.
Pơđĭ tui boh yôm, tơlơi tŭ yua pơtô lăi amăng mông jơnum, Khua tơhan Đại tá Lê Bá Quân, Kơ-iăng khua git gai tơhan sơlup kual 2 ia rơsĭ pơtrun hiăp djop gưl anom bruă ping gah, khua git gai ƀing ling tơhan djop khul grup, puih kơđông ngă klă bruă pơtô hrăm ƀing khua mua, ling tơan thâo tong ten kơ boh tŭ yua hiam bruă pla kyâo hăng wai lăng phun kyâo pơtâo mơtah mơda djơ̆ găl hăng anih dŏ, puih kơđông tơhan, lŏn mơnai glai klô, pơjeh djuai phun kyâo pla.
Đại tá Lê Bá Quân brơi thâo: Amăng hrơi blan pơ anăp adih, Khua tơhan sơlup kual 2 ia rơsĭ hăng djop puih kơđông tơhan kual anai amra pla phrâo 3000 phun kyâo tơ-ui lan sang hră, đang sang puih kơđông ling tơhan dŏ mă bruă, kiăng tơ-ui mơak, rơgoh hiam.
Viết bình luận