Khua dêh čar tŭ yap, lăng yôm hăng pơpŭ djop Ding jum, anom bruă, ƀon lan, anom bruă bơdjơ̆ nao hơmâo pơphun ngă tui klă hơdôm bruă jao hlâo amăng bơyan ƀong tê̆t tui phiăn juăt. Khua dêh čar rơkâo djop ding jum, anom bruă, ƀon lan, khul grup, ƀing mơnuih bơdjơ̆ nao tơdơi kơ hrơi pơdơi ƀong tê̆t tui phiăn juăt kiăng ječ ameč, đing nao pơsir hĭ bruă mă hăng pran jua “Mă bruă tañ, mă bruă mơtăm” tui djơ̆ tơlơi git gai mơng Khul git gai Ping gah, hruă kjăp tui tơlơi pơsit “ngăn rơnoh ba glăi mơng tơlơi pơmĭn, lăng nao pơ anăp; pran pơtrut mơng hơdôm tơlơi pơplih phrâo, tơlơi pơčeh; pran kơtang mơng mơnuih ƀôn sang, anom bơwih ƀong sĭ mơdrô”, “Pơkrem hrơi mông, lăng yôm tơlơi thâo thăi”; khut khăt, gơgrong, pơčeh phrâo amăng bruă git gai wai lăng, kiăng pơtrut pơđĭ kyar hăng pran jua “hơmâo gir run laih kiăng gir run ƀiă dong, hơmâo ngă kơtang kiăng ngă kơtang ƀiă dong, hơmâo ngă bruă khut khăt kiăng ngă khut khăt ƀiă dong”; pơtrut kơtang bơwih ƀong sĭ mơdrô, ĕp brơi bruă mă, tơlơi bơwih ƀong kơ mơnuih ƀôn sang, pơhlôm tơlơi hơdip mơnuih mơnam djop mơta, pơplih phrâo, abih bang, hơđong kjăp; gir run pơđĭ kyar GDP thun 2026 mơng 10% pơ glông pơlir hăng tŏ tui hơđong bơwih ƀong pok prong, wai lăng prăk trun nua, pơhlôm bơkơnar pơprong amăng bơwih ƀong huă.