Amăng mông Jơnum, ƀing khua pơ ala lăi lĕ Hră čih Akô̆ bruă hmâo ngă giong 3 bruă mă phun tui djơ̆ hơdră pơkĕ nao rai hăng pơdŏng 6 ƀut bruă pơsir pơkă kual. Khă hnun hai, kiăng pơhrua nao hơdôm phiăn pơkă hăng hơdôm hră pơ-ar mơng Ping gah hăng Kơnuk kơna kiăng pơhlôm anô̆ hơđong.

Đơ đam anih jơnum

Lu khua pơ ala ăt lăi mơn, hrom hăng pơsit bôh nik bruă bơwih ƀong mơnuih mơnam, hơdră pơkă kơ plơi prong, plơi pla, anom mă yua, mă yua lŏn, Akô̆ bruă khom pơsit rơđah gru kông ngăn dlai tlô, lu mơta ra mơnong, pơplih ayuh hyiăng hăng djah tơnap lik, tơlơi pơtô juăt hăng bôh thâo phrâo măi mok kiăng hmâo jơlan pơsir djơ̆. Amăng tơlơi pơkă pơđĭ kyar bruă đang hmua, khom lăi rơđah hloh tơlơi bơwih ƀong gah đang hmua mơng tơring čar hăng lăi glăi tơhnal pơkă mơng rơwang 2021-2030 jing yak pơdŏng phun kơ pơđĭ kyar bruă đang hmua mă yua bôh thâo phrâo kơjăp, djơ̆ hăng ngăn rơnoh, bôh thâo bruă mă ƀơi plơi pla.

Ƀing khua pơ ala lăi pơthâo nao rai, lăi tơlơi gum pơhiăp amăng mông jơnum

Hră čih Akô̆ bruă pơkă kual tơring čar Daklak rơwang 2021-2030, tơhnal lăng truh thun 2050 glăk dưi pơphun mă tơlơi gum pơhiăp hyu đơr hơr amăng đơ đam tơring čar kiăng ngă giong lăi pơthâo kơ gưl hmâo tơlơi dưi pơsit. Akô̆ bruă ba tơbiă truh kơ thun 2050 Daklak jing tơring čar hmâo bôh thâo pơđĭ kyar hloh mơng đơ đam dêh čar./.