Lăi pơthâo boh yom phun tơlơi phiăn anai, Khua ding jum Gru grua Pơrơguăt drơi jăn hăng Tuai čuă ngui ơi Nguyễn Văn Hùng brơi thâo, pơkă hăng tơlơi phiăn Hră pơhing phrâo hlăk dŏ ngă tui ră anai hơmâo 6 črăn prong, 61 mơta tơlơi pơtrun lĕ, tơlơi phiăn phrâo čih pơhrua glăi him lăng hơmâo 4 črăn prong, 50 mơta tơlơi pơtrun, hrŏ hĭ 2 črăn prong, 11 mơta tơlơi pơtrun, amăng anun:

Djă pioh tum tơlơi pơkă amăng 9 mơta tơlơi pơtrun, čih pơhrua nao dơ̆ng amăng 38 mơta tơlơi pơtrun, pơhrua phrâo hloh 3 mơta tơlơi, lui hĭ 6 mơta tơlơi pơtrun hơđăp. Kơ bruă git gai wai lăng bruă čih tơlơi pơhing phrâo, ngă tong ten hloh, kiăng bruă mă čih tơlơi pơhing tŭ yua, sit nik, tơlơi phiăn phrâo anai amra hơmâo 7 mơta bruă phrâo lăi nao, bruă yua tơlơi pơhing plang internet, kiăng anăp brơi mơnuih čih tơlơi pơhing thâo rơđah tong ten, pôr tơlơi pơhing tui hăng sang bruă wai lăng bruă tơlơi pơhing phrâo pơprong, kơtang; pơtrut tơlơi kơtang, ia rơgơi amăng mơnuih mơnam kiăng pơđĭ kyar bruă čih tơlơi pơhing; pơsir hĭ anŏ ƀu gêh găl, ngă gun mơ̆ng tơlơi phiăn hră pơhing phrâo hơđăp thun  2016, pơđĭ tui boh tŭ yua thâo rơgơi hloh kơ ƀing ngă bruă čih tơlơi pơhing phrâo. Him lăng Tơlơi phiăn Hră pơhing phrâo čih pơhrua glăi anai, amra dưi hơmâo ƀing khua pơ ala mơnuih ƀôn sang sem glăi giong, pơsit hĭ jơnum lok 10, khua pơ ala mơnuih ƀôn sang dêh čar tal XV.