Grŭp mă bruă Ping gah dêh čar Việt Nam, Khua pơ ala mơnuih ƀôn sang dêh čar Việt Nam, Khua mir sir dêh čar Việt Nam, Gong gai dêh čar Việt Nam, Jơnum min djop djuai ania mơnuih mơnam dêh čar Việt Nam hăng sang anô̆ lăi pơthâo:

Rơgom ơi Lê Văn Thành, tơkeng lơ 20/10/1962; plơi pla: Să Tân Liên, tơring glông Vĩnh Bảo, ƀôn prong Hải Phòng; dô̆ ƀơi sang mrô 217, jơlan Lạch Tray, quận Ngô Quyền, ƀôn prong Hải Phòng; gum hrŏm bruă mă blan 2/1988; mut Ping gah lơ 24/6/1997; Ding kơna Ping gah dêh čar hơdôm tal 12, 13, Ding kơna Grŭp mă bruă Ping gah Gong gai dêh čar, Kơ-iăng Khua dêh čar; Khua git gai Ping gah hơđăp ƀôn prong, Khua Khul pơ ala mơnuih ƀôn sang ƀôn prong Hải Phòng; Khua pơ ala mơnuih ƀôn sang dêh čar ta tal 12. Ñu dưi hmâo Ping gah, Kơnuk kơna ƀơk Miđai bơni mă bruă dăp tal Tlâo, Pô bơkơtưn đơ đam dêh čar hăng lu miđai yôm phăn pơkon.

Tơdơi kơ hơdôm hrơi ruă kraih, khă hmâo Ping gah, Kơnuk kơna, khul mơnuih kơhnâo, ơi ia jrao hăng sang anô̆ abih pran jua bơwih brơi, pơjrao, samơ̆ yua kơ ruă kraih đơi, Ñu rơngiă laih lơm 8 mông 20 mơnit mơmot, lơ 22/8/2023 (anun lĕ 7/7 thun Quý Mão) ƀơi sang ñu, hơdip hmâo 61 thun.

Kiăng pơdah pran jua hơdor tơngiă hăng djă pioh hơdôm bôh than, pran jua tuh rơyut mơng ơi Lê Văn Thành, Grŭp mă bruă Ping gah dêh čar Việt Nam, Khua pơ ala mơnuih ƀôn sang dêh čar Việt Nam, Khua mir sir dêh čar Việt Nam, Gong gai dêh čar Việt Nam, Jơnum min djop djuai ania mơnuih mơnam dêh čar Việt Nam pơsit pơphun pioh atâo rơgom ơi Lê Văn Thành hăng phiăn pioh atâo gưl Kơnuk kơna.

Lăi pơthâo lơphet jôk mơyut rơgŏm ơi Lê Văn Thành

Khul khua mua git gai ping gah dêh čar akŏ pơjing Khul pơphun ngă lơphet gưl kơnuk kơna hơmâo 23 čô khua, yua kơ ơi Lê Minh Khái, ding kơna Khul git gai ping gah dêh čar, Kơ-iăng khua dêh čar ngă khua Khul.

Atâo djai mơ̆ng ơi Lê Văn Thành dưm pơ sang jơnum prong ƀôn prong Hải Phòng, mrô 18 jơlan Hoàng Diệu, kuân Hồng Bàng, ƀôn prong Hải Phòng.

Mông mut jôk, mơyut pơphun mơ̆ng 9 mông, hrơi pă, lơ 24.8.2023, jing hrơi tal 9 blan 7 thun Quý Mão truh 7 mông mơguah hrơi năm lơ 26/8/2023 jing hrơi tal 11 blan 7 thun Quý Mão.

Mông ngă lơphet hlâo pơyua atâo lơ̆m 7 mông, hrơi năm, lơ 26.8.2023. Giong anun ba nao pơyua hăng ngă lơphet dor  ƀơi pơsat hlâo kơ 11 mông, hrơi năm lơ 26.8.2023 či pơsat plơi pla ñu pô să Tân Liên, tơring glông Vĩnh Bảo, ƀôn prong Hải Phòng.