Ơi Nguyễn Xuân Tiến, tơkeng lơ 15 blan 5 thun 1958.

Plơi ñu hơđăp: Să Quảng Thọ, tơring glông Quảng Điền, tơring čar Thừa Thiên Huế.

Anih ñu dŏ pơ mrô sang B51 Kual pơkra Golf Valley, phường 2, plơi prong Đà Lạt, tơring čar Lâm Đồng.

Mă bruă kơnuk kơna mơ̆ng blan 3 thun 1978, mut Ping gah mơ̆ng blan 2 thun 1982. Ding kơna hơđăp Khul apăn bruă git gai Ping gah dêh čar Việt Nam tal 11, 12, Khua hơđăp git gai Ping gah tơring čar, Khua Jơnum min pơ ala mơnuih ƀôn sang tơring čar, Khua Jơnum min mơnuih ƀôn sang tơring čar Lâm Đồng.

Ơi Tiến hơmâo Ping gah, Kơnuk kơna brơi Miđai Rơngai mrô 2, Miđai Mă bruă mrô 1, Miđai 40 thun Ping gah hăng lu miđai yơyôm pơkŏn dong.

Tơdơi kơ hrơi blan duam ruă, mah hơmâo Ping gah, Kơnuk kơna, nai tha prin, ơi ia jrao hăng sang anŏ wai lăng, pơjrao brơi klă biă mă yơh, samơ̆ yua ruă kơtang, anun jing ơi Nguyễn Xuân Tiến tơ̆i pran laih lơ̆m 1 mông 15 mơnit tlam lơ 28/8/2023 (jing lơ 13 blan 7 thun Quý Mão), ƀơi sang ñu. Ñu hơdip 67 thun.

Rơngôt kơ mơnuih djai, laih anun bơni kơ hơdôm tơlơi gum djru, bruă mă mơ̆ng ơi Nguyễn Xuân Tiến, Khul khua apăn bruă git gai Ping gah dêh čar Việt Nam pơsit Ngă yang jôk ơi Nguyễn Xuân Tiến hăng tơlơi ngă yang kơ khua mua prong.

Khul khua apăn bruă git gai Ping gah dêh čar Việt Nam Ping gah tơring čar - Jơnum min pơ ala mơnuih ƀôn sang - Jơnum min mơnuih ƀôn sang - Jơnum min djŏp djuai ania mơnuih mơnam Việt Nam tơring čar Lâm Đồng.