Rơwang bruă amra dưi ngă tui ƀơi 15 bôh să mơ̆ng 4 bôh tơring glông, anun lĕ Mdrak, Ea Kar, Krông Bông hăng Lak. Rơwang bruă hmâo abih bang prăk tuh pơplai năng ai ñu 19,53 klăk dolar Mi, dưm kơnar hăng năng ai ñu 468,73 klai prăk, yua kơ Keh prăk jar kơmar kơ pơđĭ kyar bruă đang hmua hăng Keh prăk pioh kơ ayuh hyiăng hơdjă gum djru.

Tơhnal ba tơbiă mơ̆ng rơwang bruă lĕ djru gong gai hơdôm gưl ba tơbiă hơdôm hơdră bruă pơplih phrâo bruă mă gưl lŏn ia hăng pơplih phrâo rơđah amăng bruă pơjing hăng ngă tui kơčăo bruă hrŏ trun djah mơ̆ng tơlơi rơngiă glai klô, răm rai glai klô hăng gir run hơkrŭ glăi dlai klô pioh pơjing tơhnal pơplih bruă bơwih ƀong hăng pơđĭ tui tơlơi pơmin plơi pla. Rơwang bruă hmâo anăn tum djop lĕ “Hrŏm truh ayuh pơđoh ƀơi kual Dap Kơdư hăng Kual kơtuai hang ia rơsĭ Dơnung Tŏng Krah dêh čar kiăng djru ngă tui hơdôm tơhnal pơkă Jơlan hơdră ngă tui mơ̆ng lŏn ia REDD + ƀơi tơring čar Dak Lak”, dưi ngă tui amăng 3 thun (mơ̆ng thun 2025 truh thun 2028)./.