Pă čô nai pơtô mơ̆ng tơring čar Dak Lak hmâo ư-ang pơ anăn Nai pơtô rơgơi anun lĕ: Phạm Đăng Khoa, Khua Khul pơsur bruă hrăm hră, Khua hơđăp Gơnong bruă pơtô pơhrăm tơring čar; ơi Đỗ Tường Hiệp, Kơ-iăng Khua; yă Thái Thị Mỹ Bình, Anom bruă pơtô pơhrăm tơring čar Dak Lak hăng Quách Đình Bảo, Khua Sang hră gưl sa Ea Hleo, tơring glông Ea Hleo. 

Pơhiăp hơ-ưč hmưi, Khua Jơnum min mơnuih ƀôn sang tơring čar Dak Lak čih djă pioh hăng bơni hơdôm bôh than, pran jua tuh rơyuh mơ̆ng ƀing nai pơtô čơđai kơ gơnong bruă pơtô pơhrăm mơ̆ng tơring čar hơdôm hrơi rơgao. Hrŏm hăng anun čang rơmang, hăng tơlơi gir run pran pơsit prong, gum hrŏm hơbit, pơlir hơbit amăng git gai, črâo ba, pơpha bruă mơ̆ng mơnuih wai lăng, tơlơi hur har mơ̆ng khul nai pơtô čơđai, mơnuih mă bruă mơ̆ng gơnong bruă, tơlơi hur har amăng pơhrăm mơ̆ng ƀing čơđai sang hră, gơnong bruă pơtô pơhrăm tơring čar Dak Lak amra yak rơgao tơlơi tơnap ngă giong prong bruă jao./.