Tơring čar Kon Tum ră anai hơmâo rơbêh 215.000 čô mơnuih tui đăo, dưm dưm 40% mrô mơnuih đơ đam dêh čar. Amăng hơdôm thun laih rơgao tơring čar Kon Tum đing nao sem lăng tui tơlơi dưi ƀudah pơphô bruă brơi djop gưl pơsir hĭ hmao tlôn hơdôm tơlơi rơkâo lăp djơ̆ hăng tơlơi phiăn mơng djop khul grup, ƀing tui đăo. Mơng anun bruă mă amăng khul đăo jai hrơi klă tui, djơ̆ tơlơi pơkă amăng tơlơi phiăn; neh met wa tui đăo gir run mut hrŏm amăng hơdôm bruă djru ană mơnuih hăng hơdôm tơlơi pơplông khăp kơ lŏn ia yua gong gai djop gưl pơphun…

Đĭ pơhiăp amăng mông bưp, khua mua Jơnum min mơnuih ƀôn sang tơring čar Kon Tum čang rơmang ƀing mơnuih kŏm drơi jăn tui tơlơi đăo, ƀing ama, ƀing amai tŏ tui pơtô pơblang, pơsur ană plơi pla ngă tui klă bruă “hơdip hiam tui tơlơi đăo”; pơjing, hơkrŭ pran gum pơgôp djop djuai ania; gir run mut hrŏm amăng tal pơplông khăp kơ lŏn ia, tơlơi pơtrut pơsir yua djop gưl, gơnong bruă pơphun.