Amăng thun blan laih rơgao, 2 boh tơring čar gum hrŏm amăng hơdôm bruă mă yua Kơnuk kơna 2 bơnah pơphun; hơdôm bruă tô nao rai, sĭ mơdrô, pơsur tuh pơ alin. Tơring čar Kon Tum hơmâo pioh lu prăk kak djru hrăm gưl prong brơi 15 čô čơđai sang hră tơring čar Champasack; djru brơi sang anŏ ƀun rin amăng tơring čar Champasackčơkă thun phrâo Bun Py May; tơring čar Champasack ngă gêh gal djru brơi tơring čar Kon Tum amăng bruă hyu ĕp pơƀut glăi, ba glăi tơlang tơleh brơi tơhan djai pơsăn drơi jăn hăng ƀing djru bruă mơng Việt Nam djai amăng rơnuk blah wang.

Pơ anăp anai, dua boh tơring čar Kon Tum hăng Champasack tŏ tui pơtrut, ngă gêh gal hloh kiăng hơdôm gơnong bruă, anom bruă dua bơnah akŏ pơjing tơlơi rô nao rai giang mah ngă hrŏm; tŭ ư pơtrut rô nao rai bơwih brơi tuai čuă ngui kơplah wah dua boh tơring čar; tơring čar Kon Tum tŏ tui djru brơi 10 anung prăk djru hrăm gưl glông hăng 5 anung prăk djru hrăm gah bruă kơđi čar brơi tơring čar Champasack.