Pơhiăp amăng mông ngă Lơphet kĭ pơkôl hră djă pioh bruă gum hrom kơplah wah dua tơring čar, ơi Dương Văn Trang, Ding kơna Ping gah dêh čar, Khua git gai Ping gah tơring čar, Khua Jơnum min mơnuih ƀôn sang tơring čar Kontum hăng ơi Lệt Xay-nhạ-phon, Ding kơna Ping gah mơnuih ƀôn sang ngă hơkrŭ dêh čar Lao, Khua git gai Ping gah, Khua tơring čar Attapư pơsit yôm hơdôm bôh tơhnal dưi ngă gah gum hrom kơplah wah dua bôh dêh čar hơdôm hrơi rơgao hrom hăng anun pơsit kơtưn đĭ dong, hơkrŭ đĭ, pơđĭ kyar tơlơi rô nao rai giăng mah, gum hrom abih bang, gum hrom hơbit pha ra kơplah wah tơring čar Kontum hăng Attapư.

Anih jơnum mă bruă

Tui pran jua thâo hluh nao rai, đăo gơnang tơdruă, mơng bôh tơhnal dưi ngă ăt kah hăng thâo rơđah tơlơi tơnap, tơlơi lông, Jơnum min mơnuih ƀôn sang tơring čar Kontum  hăng gong gai Attapư, dêh čar Lao hmâo kĭ pơkôl hră djă pioh kơ gum hrom rơwang 2022-2027 hăng hơdôm tơhnal pơkă rơđah amăng rim bruă: Bruă kơđi čar, pơtom hiăp; Pơgang lŏn ia rơnuk rơnua plơi pla; Bơwih ƀong huă, Pơtô juăt hăng pơđĭ kyar mơnuih mă bruă./.