Amăng mông tŭ jum, pơ ala kơ Ping gah, gong gai hăng Mơnuih ƀôn sang tơring čar Gia Lai, Khua git gai Ping gah tơring čar, ơi Hồ Văn Niên hmâo hơ-ưč hmưi bôh tơhnal ruah khua pơ ala mơnuih ƀôn sang dêh čar Kur tal 7, hơ-ưč hmưi lŏn ia hmâo Gong gai phrâo yua kơ Khua dêh čar phrâo ruah Hun Manet apăn akô̆; hrŏm hăng anun čang rơmang Gong gai phrâo amra gum hrŏm Ping gah, gong gai hăng Mơnuih ƀôn sang Kur pơdŏng dŏng lŏn ia jai hrơi jai kơjăp kơtang, pơdrong asah; gum pran hrŏm, sa jua pơdŏng tơlơi rô nao rai giăng mah, gum hrŏm hơbit kơplah wah Việt Nam hăng Kur lăi hrŏm hăng Gia Lai – Ratanakiri lăi ha jăn jai hrơi jai kơjăp phik.

Kơ-iăng Khua tơring čar Ratanakir čang rơmang tơring čar Gia Lai gum djru dong bruă gum hrŏm kơplah wah dua bôh tơring čar, ngă gal brơi na nao kơ mơnuih ƀôn sang, anom bơwih ƀong dua bơnah hmâo tơhnal lăi pơthâo nao rai, hrăm tui tơlơi găn rơgao pơđĭ kyar bơwih ƀong, sĭ mơdrô, nao rai, sĭ mơdrô gơnam tam mơ̆ng mơnuih ƀôn sang, anom bơwih ƀong./.