Kiăng ngă tui hơdră bruă pơmut hrŏm mơnuih ngă khua git gai Ping gah ngă rah khua plơi, amăng hơdôm thun laih rơgao, tơring glông Sa Thầy, tơring čar Kon Tum hơmâo ngă klă amăng bruă ruah mơnuih apăn bruă thâo rơgơi, hơdip ba gru hăng đăo gơnang. Amăng 64 boh plơi pla amăng 11 boh să, tơring kual ƀơi tơring glông ră anai hơmâo 53 čô mơnuih khua git gai Ping gah ngă rah khua plơi hăng 11 čô khua git gai Ping gah ngă rah khul jơnum min djop djuai ania mơnuih mơnam amăng plơi.

Ngă tui hơdră pơmut hrŏm khua git gai Ping gah ngă rah khua plơi, truh ră anai tơring čar Kon Tum hơmâo 360 amăng abih tih 756 boh plơi pla hơmâo khua git gai Ping gah ngă rah khua plơi. Blung hlâo kiăng lăp djơ̆ hăng tơlơi sit nik, lu plơi pla amăng tơring čar glăk ngă tui bruă pơmut hrŏm mơnuih ngă khua git gai Ping gah ngă rah khua plơi hăng khua git gai Ping gah ngă rah khua jơnum min djop djuai ania mơnuih mơnam amăng plơi.