Lăp đing nao, tơring čar Khánh Hoà hơmâo tŭ ư tơlơi pơtrun pok pơhai ngă Kơčăo bruă jơlan rơdêh đuăi hmar Nha Trang - Đà Lạt tui hơdră ngă hrŏm kơnuk kơna hăng mơnuih ƀôn sang (PPP). Tui hăng tơlơi pơtrun, Khul khua pơ ala mơnuih ƀôn sang tơring čar jao kơ Jơnum min mơnuih ƀôn sang tơring čar Khánh Hòa ngă anih dưi pơphun pok pơhai kơčăo bruă tui tơlơi pơkă glăk hơmâo.

Tơring čar Khánh Hoà him lăng brơi nao 1.500 klai prăk mơ̆ng akŏ bruă tuh pơ alin ring bruă kơnuk kơna rơwang thun 2026-2030 đah mơ̆ng duh lŏn, čuk pơkra pok anih pơkra jơlan, djru ba hăng pơdong plơi phrâo kơ mơnuih ƀôn sang. Kơčăo bruă jơlan rơdêh đuăi hmar Nha Trang - Đà Lạt (prăk tuh pơ alin him lăng rơbêh 25 rơbâo klai), yom biă či pơtruh nao rai đĭ kyar plah wah Khánh Hoà hăng Lâm Đồng. Jơlan anai amra hơmâo akŏ pơjing glông jơlan pơtruh kual Dap Kơdư hăng kual ter hang ia rơsĭ Dơnung Tong Krah, mơ̆ng anun dưi pơtruh nao pơ tơdrun kom păn, anih bơwih ƀong akŏ phun laih anun hơdôm anih tuai hyu ngui./.