Tal rai čuă pơphun mơ̆ng lơ 11-13/1/2024. Tơdơi kơ mông ngă lơphet čơkă jum, Khua mir sir dêh čar ta Võ Văn Thưởng hăng Khua mir sir dêh čar Indonesia Joko Widodo ba jơlan hlâo grŭp gưl dlông dua bôh dêh čar pơphun bơkơtuai. Dua gơñu tŭ ư hrŏm, hluai tui hơdôm bôh than gum hrŏm prong giăm truh 70 thun rơgao, kiăng tañ ngă brơi bruă gum hrŏm khom ngă kơplah wah dua bôh dêh čar truh tơhnal dlông phrâo.

Khua mir sir dêh čar ta Võ Văn Thưởng lăi rơđah Việt Nam lăng yôm hăng čang rơmang kơtưn hloh dong tơlơi rô nao rai mơ̆ng hlâo hăng gum hrŏm khom ngă hăng Indonesia; hơ-ưč hmưi Indonesia pơphun truh kih bruă Ruah khua pơ̆ anăp, pơđĭ kyar dong, djru klă kơ tơlơi rơnuk rơnua hăng gum hrŏm ƀơi kual hăng rŏng lŏn tơnah. Dua gơñu tŭ ư hrŏm kơtưn hloh dong hơdôm hơdră pơkă gum hrŏm dua bơnah; tañ pơdŏng Jơlan hơdră mă bruă rơwang 2024-2028 lăp djơ̆ hăng tơlơi phrâo. Dua gơñu ăt tŭ ư mơn, hluai tui hơdôm bôh than gum hrŏm prong giăm truh 70 thun rơgao, khom tañ ngă brơi tơlơi rô nao rai gum hrŏm khom ngă kơplah wah dua bôh dêh čar truh tơhnal dlông phrâo.

            Khua mir sir dêh čar Indonesia amăng mơguah lơ 12/1 hmâo dưm laih guang bơnga, mut čuă pơsat jep Khua mir sir Hồ Chí Minh hăng Gŏng kut hơdor glăi ƀing ling tơhan pơsăn drơi./.