Ƀing khua lăng yom hơdôm tơlơi pơplih phrâo yak đĭ pơ anăp kah hăng hrŏ trun, ngă amuñ bruă ngă hră pơ-ar, plai ƀiă hơmâo tơlơi pleh ploh hăng ngă rơđah kơčăo bruă ƀơi khŏm tŭ ư ngă tui bruă tuh pơ alin, ngă rơđah bruă bơwih ƀong sĭ mơdrô dưi dăi, pơtrut jao bruă, jao tơlơi dưi tŭ ư bruă tuh pơ alin kơ Khua dêh čar hăng Khua Jơnum min mơnuih ƀôn sang tơring čar.

Pơgôp hiăp kơ hră jơnum, ƀing khua tŭ ư bruă pơhrua tui tơlơi phiăn kŏm sĭ mơdrô hot điện tử hăng hot kơhul hơmâo asăp, laih dong kiăng pơhrua hyuh N2O (bơblôm ngă hmao tlao) hăng djŏp ia jrao ngă huing huang suek suak amăng akŏ dlô amăng hră bruă kŏm tuh pơ alin sĭ mơdrô, kiăng pơgang ba mơnuih tơpuôl. Tơlơi hơmâo lu khua lăp đing nao lĕ hơdră tuh pơ alin hăng lăi nao kiăng thâo rơđah anŏ phara plah wah ngă gêl găl hăng djru brơi. Ngă gêl găl tuh pơ alin kiăng pơƀut amăng bruă yom phun dưi đĭ kyar kơtang, ngă hlâo amăng bruă bơwih ƀong hăng boh thâo ia rơgơi phrâo./.