Dua bơnah lăng yôm bruă pơđĭ kyar hiam klă amăng tơlơi rô nao rai dua bơnah amăng hrơi blan rơgao hăng tŭ ư hrưn đĭ tơlơi rô nao rai ngă hrŏm yôm phăn. Hăng tơlơi pơsit anai, Bulgaria jing dêh čar blung a amăng kual Balkan akŏ pơjing tơlơi rô nao rai ngă hrŏm yôm phăn hăng Việt Nam.

Dua čô khua tŭ ư pok prong ngă hrŏm sit nik amăng dua mơta bruă hơmâo tơlơi gal prong hăng tui tơlơi kiăng anun lĕ boh thâo ia rơgơi, pơkra jrao, ia jrao sinh học, pơplih mrô, apui lơtrik mơtah. Dua bơnah ăt tŭ ư pơjing hăng pơđĭ kyar akŏ bruă ngă hrŏm yôm phăn, ba tơlơi ngă hrŏm yua boh thâo ia rơgơi jing bruă akŏ phun amăng tơlơi rô nao rai dua bơnah, pơgôp pơtrut ngă hrŏm djop mơta, ba glăi boh tŭ yua hăng hơđong kjăp amăng rơwang phrâo.