Anai lĕ hrơi yôm phiăn kiăng djă pioh, tŏ tui pran gum pơgôp, giang mah yôm phăn mơng dua boh dêh čar Việt Nam-Cuba, sit biă ñu brơi rơnuč hlăk ai čơđai ƀôn prong. Tơlơi rô nao rai giang mah kơplah wah Việt Nam-Cuba hơmâo pơjing hăng pơđĭ kyar bơkơnar mơng đưm hlâo kơplah wah dua bơnah.

Rơbêh 60 thun laih rơgao, dong mơng hrơi dua bơnah akŏ pơjing bruă pơtom hiăp (2/12/1960), dua boh dêh čar lêng kơ gum hrŏm amăng rơnuk blah wang pơklaih rơngai lŏn ia hăng ră anai gum hrŏm amăng pơjing hăng wai pơgang lŏn ia xã hội chủ nghĩa ƀơi rĭm boh dêh čar. Anai lĕ tơlơi rô nao rai giang mah, gum pơgôp, adơi ayong, hlâo tơdơi ăt ha pran mơn, tơlơi rô nao rai anai jing anŏ pơdah gru grua, lĕ kông ngăn yôm hloh mơ̆ dua Ping gah hăng mơnuih ƀôn sang Việt nam-Cuba lêng kơ djă pioh, wai pơgang, hơkrŭ kjăp hăng tŏ tui na nao amăng djop rơnuk.