Việt Nam hăng Ghana hơmâo lu tơlơi gêh gak đĭ kyar ngă hrŏm dua bơnah
Thứ ba, 10:48, 14/11/2023
VOV/Siu H'Mai Pơblang
VOV/Siu H'Mai Pơblang
VOV4.Jarai - Khua anih jưh Đặng Hoàng Giang, Khua grup pơ ala mơ̆ng Việt Nam ƀơi Sang gum hơbit djŏp dêh čar hơmâo ngă bruă hăng Khua anih jưh Harold Agyeman, Khua grup pơ ala dêh čar Ghana či bơkơtuai tơlơi rô nao rai dua bơnah hăng ngă hrŏm ƀơi Sang gum hơbit djŏp dêh čar.
Ƀơi mông ngă bruă, ơi Đặng Hoàng Giang pơpŭ bơni kơ tơlơi rô nao rai ngă gŏp klă hiam laih anun jai hrơi kơjăp tui kơplah wah dua bơnah amăng 50 thun laih rơgao, biă ñu bơni abih pran hăng tơlơi gum djru yôm pơphăn mơ̆ng Ghana amăng thun blan blah ngă rơngai lŏn ia mơ̆ng Việt Nam. Kiăo tui tơlơi rô nao rai klă hiam anun, dua bơnah tŭ ư Việt Nam hăng Ghana hơmâo tơlơi gêh gal prong biă mă či pok prong hloh dong tơlơi rô nao rao amăng lu bruă, hluai tui bruă bơkơtuai mơ̆ng hơdôm tal čuă jơmư nao rai ƀơi djŏp gưl, pok prong sĭ mơdrô, tuh pơ alin, ngă hrŏm amăng djŏp bruă dua bơnah dưi hloh, amăng anun hơmâo pơkra apui lơtrik phrâo, apui lơtrik hơdjă.
Viết bình luận