Dua bơnah  hơmâo lăi pơthâo, amăng rơbêh 2 thun rơgao, Ding jum kông ang dua bơnah hơmâo gir run gum hrŏm klă hloh amăng pơgăn ƀing ngă soh, pơgôp amăng bruă pơhlôm rơnuk rơnua, hơđong amăng mơnuih mơnam ƀơi rĭm boh dêh čar. Kơ bruă ngă hrŏm pơ anăp anai, Ding jum kông ang dua bơnah pơsit tong amra tŏ tui gum hrŏm amăng pơhlôm rơnuk rơnua, hơđong amăng hơdôm hrơi jơnum pơƀut yôm phăn ƀơi dua boh dêh čar, ngă klă bruă pơgang ba mơnuih ƀon sang; tŏ tui gum hrŏm pơgăn ƀing ngă soh đuăi nao rai hơdôm boh dêh čar anun lĕ ƀing sĭ dŏp ma túy, gơnam tam, sĭ dŏ mơnuih, plư pleč amăng internet.

Tlam hrơi anai mơn, Ding jum kông ang ơi Tô Lâm hơmâo nao bưp mă tơngan hăng ơi Thái Kỳ-Khua anom bruă Ping gah Cộng sản Khač. Amăng mông bưp ơi Thái Kỳ lăng yôm bruă pơđĭ kyar tơlơi rô nao rai ngă hrŏm kơplah wah dua Ping gah, dua kơnuk kơna amăng djop mơta bruă hluai tui pran jua ngă hrŏm yôm phăn djop mơta.