Ƀơi jơnum Khua ding jum kơ bruă mă, boh tŭ yua kơ mơnuih mơnam hăng pơđĭ kyar mơnuih mă bruă Việt Nam-Lao ƀrô hơdor glăi tal 60 thun hrơi akŏ pơjing pơtom hiăp kơplah wah dua boh dêh čar pơphun mơguah lơ 29/11 ƀơi plơi prong Hạ Long, Quảng Ninh.

Jơnum anai pơtong glăi boh tơhnal mă bruă tui Hră čih pioh Jơnum khua ding jum Bruă mă hăng anŏ tŭ yua mơnuih mơnam tal 7 thun 2021 hăng tơlơi pơhing ngă hrom bruă mă hăng anŏ tŭ yua kơ mơnuih mơnam mơ̆ng thun 2012-2022.

Tui hăng anun, dua bơnah pơtrut ngă hrom pơtô hrăm hăng ngă gêl găl kơ mơnuih mă bruă mơ̆ng dua bơnah mă bruă ƀơi dêh čar Lao hăng ƀơi Việt Nam; kah pơpha tơlơi thâo thăi kơ pơđĭ kyar tơlơi thâo mă bruă kơhnâo kơhnăk amăng rơnuk phrâo, wai lăng mơnuih mă bruă đuăi hyu ĕp bruă mă, djru mơnuih bơbeč djơ̆ yua klin Covid 19 ngă; djru ƀing ruă nuă yua djơ̆ boh ƀôm min, pơgang rơnuk rơnua mă bruă hăng djru mơnuih rơwen ƀu klă drơi jăn hơmâo bruă mă….Pơčrông sai djop bruă ngă hrom amăng thun 2023 hăng tŭ ư kơsem min anăp či mă bruă amăng rơnuk phrâo.