VOV4.Jarai - Lơ 3/10, Gơnong bruă ia jrao ƀôn prong Hồ Chí Minh pơsit tong glăi bruă pơčrang lăng, hăng brơi thâo hơmâo sa čô đah kơmơi ƀă tơlơi ruă djơ̆ čut kra. Anai lĕ mơnuih ruă djơ̆ čut kra blung a ƀơi Việt Nam. Tui Ding jum ia jrao, anai lĕ đah kơmơi 35 thun, dŏ ƀơi ƀôn prong Hồ Chí Minh; hlâo anun lơ 18/9/2022  glăk nao čuă ngui pơ Dubai (dong mơng blan 7/2022-22/9/2022 glăi pơ Việt Nam) ñu duam, drơi jăn ƀu-ai buai, rơ-ŏt, gah amăng drơi jăn, ruă akŏ hăng pơtuk, ƀuh mriah ƀơi klĭ kliang, tal ƀơi tơngan, amăng drơi jăn hăng ƀơi ƀô̆ mơta. Tơdơi kơ glăi pơ Việt Nam amăng lơ 23/9/2022, pô anai nao khăm pơ Sang ia jrao Từ Dũ, him lăng ƀă tơlơi ruă lar hyu, laih anun arăng ba nao pơ Sang ia jrao pơjrao ruă klĭ kliang ƀôn prong Hồ Chí Minh. Ƀơi anai, pô anai arăng pơčlah, mă drah pơčrang lăng, truh lơ 25/9/2022, tui pơčrang lăng ƀuh ƀă tơlơi ruă djơ̆ čut kra. Ră anai, pô anai suaih ƀiă yơh, huă duam, glăk pơčlah, pơjrao pơ sang ia jrao Nhiệt đới ƀôn prong Hồ Chí Minh.

VOV/Siu Đoan: Pơblang