Tơlơi phiăn pơkă kơ bruă ngă hrŏm, Khul grup wai lăng guai dêh čar ƀơi Phổ Nhĩ, Anih pel ĕp guai dêh čar mơ̆ng tơhan pơgang guai dêh čar amăng bruă mut rơbiă ƀơi amăng jang Mường Khang, dêh čar Khač; khul khua mua git gai tơhan pơgang guai dêh čar tơring čar Điện Biên gah Việt Nam hăng kông an tơring čar Phông Saly dêh čar Lao.

Tui hăng boh tơhnal pơkă pơkôl, hơdôm bơnah ngă hrŏm djŏ tơlơi phiăn ngă bơkơnar tơlơi dưi pô lŏn ia, pơpŭ nao rai tơlơi dưi bơkơtuai, ngă hrŏm tŭ yua djru tơdruă pơgang tơlơi rơnuk rơnua. Hơdôm bruă mă phun hơmâo jơnum rim dua thun sa wơ̆t bưp nao rai, pơblih anih jơnum; kơtưn bruă git gai hrŏm ƀơi anih tơkuh phun guai dêh čar; pok pơhai ngă tui pơgang rơnuk rơnua amăng bơyan ngă yang thun phrâo, bruă yom kơđi čar rim dêh čar. Khua mua pơ ala hơdôm bơnah lăi, bruă akŏ pơjing tơlơi phiăn ngă hrŏm anai, djă pioh gru kơđŏm, pơđĭ kyar bruă giăng mah rô nao rai ling tơhan klâo boh dêh čar Việt Nam-Khač-Lao, kiăng pơgang rơnuk rơnua hơđong ƀơi guai dêh čar, mơak klă, ngă hrŏm pơđĭ kyar kơjăp.