Amăng mông bưp, dua čô khua tŭ ư đing nao pơtrut tơlơi rô nao rai ngă hrŏm yôm phăn djop mơta yua kơ tơlơi rơnuk rơnua, ngă hrŏm hăng pơđĭ kyar hơđong kjăp kơplah wah Việt Nam hăng Mi jai hrơi dơlăm tui, sit nik hăng tŭ yua, amăng anun hơmâo bruă tañ kĭ pơkôl sĭ mơdrô nao rai kơplah wah Việt Nam hăng Mi tui jơlan gah bơkơnar, pơtrut tuh pơ alin mơng dêh čar Mi nao pơ Việt Nam.

Tui tơlơi rơkâo mơng khua dêh čar ơi Phạm Minh Chính, Khua mir sir ơi Donald Trump ăt lăi glăi hăng tŭ yap tơlơi rơkâo kiăng lăng Việt Nam lĕ dêh čar bơwih ƀong sĭ mơdrô, ba Việt Nam tơbiă mơng anăn dêh čar sĭ mơdrô gơnam tui rơwang, laih dong git gai ƀing khua mua pơprong dêh čar Mi anun lĕ khua ding jum prăk kak, ƀing khua pơ ala anom bruă sĭ mơdrô glăk nao jơnum hrŏm tañ lăi glăi hơdôm bruă anai brơi kơ dêh čar Việt Nam.