VOV4.Jarai - Hơdôm bruă jơnum mơng Jơnum min git gai tô nao rai ASEAN (ACCC) hăng Bơkơtuai tô nao rai ASEAN tal 13 pơphun ƀơi Phnom Penh, dêh čar Kur mơng lơ 1 truh lơ 4/10. Khua anih jưh pơ ala ơi Nguyễn Hải Bằng, Khua grŭp pơ ala kơ Việt Nam ƀơi ASEAN ba jơlan hlâo nao pơhmư̆ hơdôm bruă jơnum. Amăng mông jơnum Jơnum min git gai tô nao rai ASEAN tal 13/2022, hơdôm bôh dêh čar lăng yôm tơlơi pơplih klă amăng pok pơhai Kơčăo bruă abih bang tô nao rai ASEAN 2025.

Bruă bơkơtuai tô ASEAN tal 13 ƀơi Phnom Penh, Kur

Hơdôm bôh dêh čar gum hrom pơsit djru dong ASEAN pok pơhai hơdôm rơwang bruă amăng rơwang kơčăo bruă, kiăng kơtưn pơkĕ hrom pơdŏng khul ASEAN, hăng pơkĕ hrom kơplah wah ASEAN hăng hơdôm bơnah gum hrom, djru hơkrŭ glăi hăng pơđĭ kyar bơwih ƀong kual. Bruă bơkơtuai tô nao rai ASEAN tal 13 thun anai hmâo anăn: “Kơtưn tô nao rai anăp nao Tơhnal lăng Khul ASEAN tơdơi kơ thun 2025 kơjăp phik, pơhlôm abih bang hăng hmâo kơdah đĭ”. Amăng 3 mông bơkơtuai, ƀing khua pơ ala lăi pơthâo kơ tơlơi pơhing, bôh thâo hăng tơlơi găn rơgao bruă mă kơ tơhnal lăng tô ASEAN tơdơi kơ thun 2025; pơdŏng anom mă yua hăng pơplih mrô kơjăp kiăng kơtưn tơlơi tô nao rai./.

VOV.VN čih

Siu H’ Prăk pơblang