Găn rơgao 30 thun pơdŏng hăng pơđĭ kyar, mơng 4 čô mơnuih blung a, ră anai hmâo hơđong ƀơi rơnoh 60 čô mơnuih, 8 djuai ania lĕ, ƀirô mă bruă prong hloh mơ̆ng Gong phun jua pơhiăp dêh čar Việt Nam. Hơnong ñu rim thun, Ƀirô Gong phun jua pơhiăp dêh čar Việt Nam pơdŏng ƀơi kual Dap Kơdư hmâo čih dăp hơdră rơbêh kơ 2.000 mơta tơlơi pơhing.

Hơdôm jơlan hơdră pơtui jua pơhiăp 6 mơta tơlơi pơhiăp djuai ania ƀiă anun lĕ: : Êđê, Jarai, Bahnar, Hơdăng, K’Ho hăng Bơnông hmâo lu pơplih phrâo pơjing tơlơi juăt hăng neh wa hăng abih bang mông pơtui jua pơhiăp rim hrơi lĕ 17 mông 30  mơnit (mơ̆ng 5h00’ truh 22h30’). Pơhiăp amăng mông Jơnum, Ding kơna Ping gah dêh čar, Khua phun akha Gong phun jua pơhiăp dêh čar Việt Nam, ơi Đỗ Tiến Sỹ pơtŏng Sit, pơ̆ anăp anai amra gum hrŏm kơjăp hloh dong hăng hơdôm bôh tơring čar Dap Kơdư amăng bruă pôr pơhing, pôr jua pơhiăp.

Gong phun jua pơhiăp dêh čar Việt Nam amr tuh pơplai hmâo glông jơlan kơ Ƀirô mă bruă amăng dêh čar lăi hrŏm, Ƀirô mă bruă ƀơi Dap Kơdư lăi ha jăn wot mơnuih mă bruă, anih anom mă yua, hơdră mă yua măi mok tui jơlan gah pôr jua pơhiăp. Mơ̆ng anun, pơđĭ tui bôh tơhnal pôr jua pơhiăp kơ hơdôm kual asuek, ataih, kual tơnap tap./.