WB lăng hơdôm akŏ bruă pơgang ayuh hyiăng mơng Việt Nam ba glăi tŭ yua
Thứ tư, 10:24, 09/11/2022
VOV/Siu Đoan Pơblang
VOV/Siu Đoan Pơblang
VOV4.Jarai - Amăng mông jơnum COP27, mơguah lơ 8/11, Khua mua mơng Việt Nam yua Khua ding jum wai lăng ayuh hyiăng Trần Hồng Hà ba jơlan hlâo hơmâo mông mă bruă hăng grup sang bruă prăk jar kmar (WBG) kơ bruă pơtrut plai ƀiă asăp hơƀak jrak mơng sang mơnil kiăng wai pơgang ayuh hyiăng pơplih sat.
Đĭ pơhiăp amăng mông jơnum hơmâo Khua sang bruă prăk jar kmar ơi David Malpass, Khua mir sir Tanzania, Khua mir sir Mozambique, Khua ding jum Trần Hồng Hà hơmâo lăi pơthâo hơdôm akŏ bruă, hơdră pơsir, hrơi mông ngă tui mơng Việt Nam lơ̆m ngă tui hơdôm tơlơi ƀuăn hăng WB kơ bruă pơgang ayuh hyiăng.
Gah ƀing gơñu, Khua sang bruă prăk jar kmar ơi David Malpass lăng hơdôm akŏ bruă mơng Việt Nam hơmâo pơtrut pơsur hăng tŭ yua biă mă. Tơlơi rô nao rai kơplah wah WB hăng Việt Nam lơ̆m ngă tui jơlan hơdră pơplih lĕ hơbô̆ bruă brơi hơdôm boh dêh čar hăng amăng kual. Ơi David Malpass pơsit tong WB amra tŏ tui hrŏm hăng Việt Nam, biă mă ñu amăng pơgang ayuh hyiăng pơplih sat.
Viết bình luận