Ƀơi hơdră anai, grup hyu mă bruă hơmâo jao 250 anung gơnam, rơnoh prăk 1 klăk 300 rơbâo prăk sa anung brơi kơ ƀing ding kơna mut phung, mơnuih tơpuôl tơnap tap amăng tơring čar. Pơhiăp amăng mông jơnum, yă Bùi Thị Minh Hoài, Khua anom bruă pơtô mơnuih ƀôn sang mơ̆ng gơnong dlông lăi, Dak Lak lĕ tơring čar tong krah kual Dap Kơdư, djop anom bruă sĭ mơdrô amăng tơring čar kơnong anom bruă anet hăng man ƀrô, yua kơ anun, bruă djru ba mơnuih mă bruă apah lĕ sa bruă mă yôm biă mă mơ̆ng djop gưl anom bruă kơnuk kơna.

Thun pơ anăp, djop gưl gong gai kơnuk kơna tơring čar Dak Lak kiăng ĕp hơdră, ngă tui tŭ yua hloh pioh djru ba tơlơi hơdip mơda kơ mơnuih mă bruă apah sang anŏ tơnap tap, kiăng pơhlôm brơi tơlơi hơdip mơda, pơhrŏ ƀun rin hơđong kjăp.