VOV4.Jarai - Tlam lơ 22/9, Jơnum min pơ ala mơnuih ƀon sang tơring čar Dak Lăk tal 10, rơwang thun 2021-2026 hơmâo pơphun Jơnum tui akŏ bruă tal 6, ruah pơhrua pô ngă Khua Jơnum min pơ ala mơnuih ƀon sang tơring čar tal 10. Tui anun, hăng mrô hră ruah 91,89%, yă Huỳnh Thị Chiến Hoà- Ding kơna Khul git gai Ping gah tơring čar, Khua anom pơtô  bruă Ping gah hơmâo ruah ngă Khua Jơnum min pơ ala mơnuih ƀon sang tơring čar Dak Lăk tal 10, thun 2021-2026.

Yă Huỳnh Thị Chiến Hoà hơmâo ruah ngă Khua Jơnum min pơ ala mơnuih ƀon sang tơring čar Dak Lăk tal 10, thun 2021-2026.

Yă Huỳnh Thị Chiến Hòa tơkeng thun 18/4/1973, plơi hơđăp ñu pơ Quảng Ngãi; hrăm Cử nhân Kinh tế đối ngoại, hrăm bruă kơđi čar gưl prong. Yă Hoà hơmâo ngă: Kơ-iăng khua Gơnong bruă Dăp bruă hăng tuh pơ plai tơring čar Dak Lăk; Khua gơnong bruă rô nao rai hăng dêh čar tač rơngiao Dak Lăk; Ding kơna Khul git gai Ping gah, Khua anom pơtô bruă Ping gah tơring čar Dak Lăk.

Siu H’Mai: Pơblang