Ƀơi mông tŭ jum, pơ ala kơ khua mua Ping gah, Kơnuk kơna, Ding kơna Ding jum kơđi čar, Khua gum bruă git gai Ping gah, Khua pơphun bruă Ping gah yă Trương Thị Mai hok mơ-ak hăng bơni kơ hơdôm tơlơi hơmâo ngă mơ̆ng khul mut phung ling tơhan amăng hơdôm thun rơgao. Amăng hrơi blan pơ anăp, hrŏm hăng ngă tui khut khăt, pơđĭ tui anŏ klă bruă pơtô kơđi čar, kơjăp tơlơi pơmin, yă Trương Thị Mai čang rơmang Khul mut phung ling tơhan amra pơphun klă dong mơn bruă bơkơtưn Khul mut phung Ling tơhan, pơplih phrâo, bơkơjăp pran, kơjăp tơlơi pơmin, thâo rơgơi, apăn bruă, pơđĭ kyar lăp djơ̆ hăng anăn iâu pơpŭ Ling tơhan Wa Hồ; bruă iâu pơthưr pơtrut tui gru grua gum djru tơlơi rơgơi djơ̆ anăn Ling tơhan Wa Hồ hăng hơdôm bruă ngă sit nik tŭ yua.