VOV4.Jarai-Jing plơi ba gru hlâo amăng bruă mă man pơdong plơi pla phrâo [ơi să Dak Drô, tơring glông Krông Knô, tơring ]ar Daknông, plơi K62 arăng tuh pơ alin pioh ]uk pơkra jơlan hiam klă hloh, lu jơlan hơdră djru mơnuih [on sang pơđ^ kyar bơwih [ong huă, ngă djơ\ tơlơi pơtrun.

 

Anun le\ tơlơi sa phun  yom biă mă, pơtrut bơwih [ong huă, pơđ^ tui tơlơi hơdip mơda hiam klă kơ mơnuih [on sang pơ kual hơkru\ đưm anai.

 

{ơi jơlan phrâo pơkra ăt do\ [âo mơnâo simăng [êtông, tha plơi ơi Y Ban hok mơak lăi: Hơmâo jơlan hiam, r^m tlam rơkơi bơnai `u tha rơma djă gai jra rơbat hyu amăng plơi.

 

 

Hơdor glăi jơlan hlâo adih, tha plơi lăi tơdah [u hơmâo ôh hơdră pơdong plơi pla phrâo, ră anai sang gơ`u ăt krư\ na nao bah amăng yua [ui lo\n, amruih mut nao:

 

‘’Hlâo adih tơnap tap biă mă, lơ\m aka [u pơkra jơlan sit adai hơjan le\ rơbat nao rai tơbor, amu` rơbuh biă mă, rơbat hyu hu\i rơhyưt biă mă.

 

Laih jơlan anai arăng pơkra giong, ră anai mơak biă mă, rơbat hyu hơdơ\ kiăng, mơmo\t mlam huăi hu\i juă djơ\ guăt rơpan ala alua], [ing tơdăm đ^ rơdêh huăi hu\i kơ rơbuh, jrom nao rai gop ta, hơmâo jơlan laih djop tơlơi amu` ame\ soh’’.

 

{u djơ\ kơnong djru pơkra jơlan đô] ôh, plơi K62 do\ hơmâo tơlơi tuh pơ alin man pơdong sa boh tơdron ngă anih jơnum amăng plơi, tơdron rơhaih 4 rơbâo met karê.

 

 

 

Laih man pơkra giong anai jing anih mơnuih [on sang jơnum plơi, ngui ngor mơak, adoh suang, pơrơguăt drơi jăn.

 

Hrom hăng bruă tuh pơ alin ming pơkra jơlan, bruă djru mơnuih [on sang hơdră bơwih [ong huă ăt kơnuk kơna gleng nao mơn.

 

Thun blan rơgao plơi K62 ako\ pơjing grup ngă hrom rông rơmô, hơmâo 24 ]ô ding kơna.

 

Dơ\ng mơ\ng prăk man pơdong plơi pla phrâo, să Dak Drô, hơmâo [ơk 12 drơi rơmô arăng djru kơ sang ano\ [un rin rông, bơblih nao rai rông.

 

 

Rông tơl rơmô anun tuh ană, ania gơ\ brơi kơ sang ano\ pơko\n dơ\ng rông, truh ră anai, sang ano\ ayong Y Kim Êban hơmâo dơ\ng ană rơmô phrâo tuh, Y Kim Êban lăi:

 

‘’Am^ ama kâo rông rơmô tong ten biă, wai lăng kah hăng rông mơnuih amăng sang ano\ mơtam.

 

Laih rơmô tuh ană, djop pô mơak. Kơnuk kơna djru, brơi gơmơi rông rơmô, pioh pơđ^ kyar tơlơi bơwih [ong huă mơak biă mă’’.

 

 

 

Tui hăng neh H’Rem, Khua git gai ping gah plơi K62, dơ\ng mơ\ng hơmâo hơdră ană plơi pla gum tơngan hrom man pơdong plơi pla phrâo, tơlơi hơdip mơda mơnuih [on sang pơ anai bơblih lu biă mă, ră anai hơnong pơhrui glăi pơkă dưm dưm sa thun sa ]ô mơnuih mă bruă thun 2017 le\ 15 klăk prăk, mrô sang ano\ [un rin do\ glăi 13%:

 

‘’Bruă mă man pơdong plơi pla phrâo [ơi plơi gơmơi hơmâo ba glăi lu boh tơhnal klă. Truh ră anai, hơmâo lu tơlơi bơblih phrâo, amăng tơlơi hơdip mơda mơnuih [on sang thâo gum pơgôp nao rai, tu\ ư sa pran jua, man pơdong pưk sang, pơkra jơlan glông….

 

Ră anai, hơmâo jơlan laih bruă rô nao rai gêh gal biă mă pơkă hăng hlâo adih’’.

 

Hơdôm tơlơi bơblih phrâo hiam klă mơ\ng plơi K62, djru [u anet ôh amăng bruă mă man pơdong plơi pla phrâo să Dak Drô.

 

Ră anai, să dưi ngă 11/19 mơta tơhnal pơkă. Thun 2018, să pơkă tơhnal bruă ngă tui dơ\ng 4 mơta anun le\: pơdong sang hră, sang ia jrao, tơhnal pơkă pơgang ayuh hyiăng laih anun bruă kơđi ]ar hăng tơlơi phiăn.

 

Ơi Ngô Doãn Lịch, Kơ-iăng khua să Dak Drô brơi thâo, să glăk kơtưn truh thun 2020 ngă pơgiong tơlơi pơtrun man pơdong plơi pla phrâo:

‘’Kiăng dưi ngă giong hơdôm tơhnal pơkă do\ glăi [ing gơmơi khom pơtum abih bang amăng bruă kơđi ]ar laih anun hơmâo tơlơi djru ba mơ\ng mơnuih [on sang.

 

Dua le\ ping gah, khua mua pơ ala mơnuih [on sang să git gai tong ten hloh pioh pơtrut tui bruă mă man pơdong plơi pla phrâo,  je\ giăm tơlơi hơdip mơda mơnuih [on sang hloh.

 

Mơta klâo, Jơnum min mơnuih [on sang să amra ngă tui dơ\ng mơ\ng tơhnal pơkă anet truh kơ tơhnal pơkă prong, pơdah rai bruă mă tum te] hloh.

 

Hăng tơhnal pơkă djơ\ laih le\, gơmơi gir run djă bong kjăp. Hơdôm tơhnal pơkă aka ngă giong, gơmơi gleng nao tơhnal pơkă pơpă mơnuih [on sang ngă le\, brơi ngă hlâo’’.

 

Hrom hăng [uh jai hrơi lu sang phrâo pơdong, hơdôm ring bruă bơwih bơwang kơ mơnuih [on sang, kiăng pơđ^ kyar mơak hlak hloh, să Dak Drô, tơring glông Krông Knô, tơring ]ar Daknông glăk kơtưn gir pơdah thâo boh tơhnal man pơdong plơi pla phrâo [uh rơđah laih tơlơi tu\ yua mơ\ng `u.

 

Nay Jek: Pô ]ih hăng pôr